Дзе патусіць на выхадных 18-20 красавіка, раіць Аляксандр Ракавец

16/04/2014 - 14:46

Аляксандр Ракавец з IQ48 на выхадных звычайна не рэпетуе, і не асабліва тусуецца.

"Я сам чалавек не клубны, па тусах асабліва не хаджу, — прызнаецца музыка. — Выхадныя звычайна праводжу альбо ў сямейным коле, альбо з сябрамі і блізкімі мне людзьмі".

		Раіць схадзіць	Не раіць
Выставы	“Дзесяць стагоддзяў мастацтва Беларусі”	18-20 красавіка: Нацыянальны мастацкі музей РБ Працуе з 11:00 да 19:00 Даведкі: +375 (17) 327-71-63
Канцэрты	Петля Пристрастия	19 красавіка, субота: Re:Public Пачатак: 19:00 Квіткі: ад 80 тысяч Даведкі: +37529-570 38 59
	The UNB	19 красавіка, субота: “Графіці” Пачатак: 19:00 Квіткі: ад 120 тысяч Даведкі: 375 29 6384444
	Akute	20 красавіка, Магілёў: “Куба” Пачатак: 17:30 Квіткі: ад 70 тысяч Даведкі: +375 29 5458900

Свае парады наконт таго, дзе можна карысна і прыемна правесці час на бліжэйшых выхадных, Саша, на дзіва, пачынае з выставы:

"Па-першае, мяне зацікавіла выстава мастацтва "Дзесяць стагоддзяў мастацтва Беларусі", якая праходзіць у Нацыянальным мастацкім музеі. Цікава паглядзець, што адбывалася ў мастацтве нашай краіны ў розныя часы".

Далей музыка звяртаецца да кіно. Апошні фільм, які ўразіў Ракаўца, і які ён раіць абавязкова паглядзець нягледзячы на адсутнасць у кінаафішы, "Ной" Дарэна Аранофскі. Маўляў, вольнай інтэрпрытацыі біблейскага сюжэта ён паставіў бы 4 па пяцібальнай сістэме. Іншыя ж стужкі, што ідуць у пракаце мясцовых кінатэатраў, Сашу не натхняюць:

"З таго, што цяпер прапануюць кінатэатры, нават не ведаю, што параіць. Усё дэманструюць расійскія камедыі, якія не цікавыя, і якія я проста не выношу. Альбо бамбяць рэмэйкі кшталту "Рабакопаў", "Мортал Комбатаў", якія ўжо глядзець не цікава".

А вось канцэртная афіша ад удзельніка IQ48, як і чакалася, апынаецца больш насычанай.

"Петля Пристрастия" — люблю іх слухаць. І дома слухаю, і на канцэрты, калі атрымліваецца, іх прыходжу, — пералічвае Аляксандр канцэрты, якія варта наведаць. — Хто не любіць Re:Public, можа пайсці ў "Графіці" на канцэрт гурта The UNB. Ну, і калі вы жывеце ў Магілёве, можаце схадзіць на прэзентацыю новай пласцінкі гурта Akute - іх заўсёды цікава слухаць, і цікава, што там яны цяпер граюць".

З тэатрамі ў Ракаўца не самыя блізкія зносіны. Там Саша бывае раз на год-два, і тое, калі яго нехта зацягне. Ну, і глядзець музыка любіць лёгкія пастаноўкі, каб не "забівалі" галаву. Маўляў, галава забітая і так.

А ўвогуле, кажа Саша, ёсць яшчэ адзін варыянт правядзення бліжэйшых выхадных — нафарбаваць яек і святкаваць Вялікдзень! І запрашае на канцэрт IQ48. Ён пройдзе ў "Графіці" 23 красавіка.

Загалоўнае фота: budzma.by