Генпракурор: Байкера-парушальніка знойдзем і на Месяцы (відэа)

З пачатку 2014 года колькасць аварый з удзелам матацыклаў павялічылася ў 9 разоў у параўнанні з такім жа перыядам мінулага года. Ахвярамі ўжо сталі 7 чалавек. Вырасла і колькасць скаргаў на роў рухавікоў, а таксама на аматараў экстрэмальных заездаў і небяспечных манеўраў матацыклістаў.



Вось што распавёў па выніках нарады тэлеканалу АНТ генпракурор Аляксандр Канюк:



"Ёсць прапанова абсталёўваць маякамі магутныя матацыклы, калі яны ставяцца на ўлік. Навошта гэта робіцца? Яго ж дагнаць немагчыма. Магутны матацыкл на машыне не асабліва дагоніш, а з маяком, які нельга будзе зняць, едзь хоць на Месяц, і там знойдзем!".



Генпракуратура лічыць, што выправіць сітуацыю можа толькі больш жорсткая адказнасць для байкераў-парушальнікаў. З імі будуць змагацца таксама радыкальна, як з п'янымі кіроўцамі. Для адпаведнага законапраекта цяпер рыхтуюцца прапановы.

 

Апошнія навіны

Галоўнае

Выбар рэдакцыі