Грузавік згарэў, а камбайн выратавалі (фота)
На адной з аўтадарог у Калінкавіцкім раёне ўчора загарэўся самазвал МАЗ, які прыехаў з Добрушскага раёна па збожжа.
Узгаранне адбылося ў маторным адсеку, кіроўца спыніў машыну і разам з экспедытарам выйшаў з кабіны. Яна ў выніку пажару была знішчана. Мяркуецца, што прычынай узгарання стала кароткае замыканне электраправодкі.
Як інфармуе прэс-служба МНС, учора раніцай у Чашніцкім раёне загарэўся камбайн "Палессе", які праводзіў нарыхтоўку кармоў. Малады камбайнёр самастойна змагаўся з агнём, а неўзабаве з'явіліся і выратавальнікі — камбайн удалося выратаваць.
Фота — МНС