Каўказец кажа, што страляў па беларусах у метро для самаабароны (відэа)
Паводле інфармацыі расійскіх паліцыянтаў, прыезджыя з Беларусі пачалі сварку з ураджэнцам Чачэнскай рэспублікі. Усё скончылася стралянінай.
Як паведамляла Еўрарадыё, здарэнне адбылося ў ноч на 22 красавіка ў маскоўскім метро. У выніку інцыдэнту два беларусы атрымалі агнястрэльныя раненні.
Як перадае "МІР 24", ураджэнец Чачэнскай рэспублікі Ахмед Батаеў кажа, што адкрыў агонь з траўматычнага пісталета для самаабароны і страляў па нагах. Ён запэўнівае, што дастаў пісталет, калі беларусы накінуліся на яго і сталі біць.
Адзін з беларусаў, пацярпелы 26-гадовы Віталь Кармялюк атрымаў раненне ў галаву. Нейкі час ён знаходзіўся ў коме. Паводле апошніх звестак, Кармялюк прыйшоў у прытомнасць, але прыгадаць дэталі інцыдэнта пакуль не можа.
Батаева рашэннем суда арыштавалі на два месяцы, паведамляюць расійскія СМІ.
