Лявон Вольскі: Дзяржава не "прысабечыць" Дзень Волі

Лявон Вольскі: Дзяржава не "прысабечыць" Дзень Волі

24 сакавіка ў сталічным клубе "Бруге" нечаканы вялікі сольны канцэрт з нагоды 100-годдзя БНР даў Лявон Вольскі (пасля яго музыка едзе ў Беласток). Як вядома, Дзень Волі Лявон адзначае разам з беларусамі Падляшша. На канцэрце ля Опернага тэатра ён з'явіцца праз тэлемост. Аднак проста так з'ехаць у Беласток Лявон не змог: у гонар свята музыка з гуртом Volski бясплатна сыграў у Мінску для самых адданых шасціста фэнаў.


За некалькі хвілін да канцэрта Еўрарадыё паразмаўляла з музыкам пра жарсці вакол сёлетняга Дня Волі.

Еўрарадыё: Вы ўжо ўсім патлумачылі, чаму 25-га Вас не будзе ў Мінску, але сённяшні канцэрт, я так разумею...


Лявон Вольскі: Адмазачны... Усе ўжо напісалі, што яго не варта лічаць святочным, маўляў, толькі 25-га можна выступаць... Толькі Зянон, толькі хард-кор! (смяецца)


Еўрарадыё: Толькі Лявон, толькі хард-кор! І ўсё ж сённяшні канцэрт адбываецца ў межах афіцыйнага святкавання 100-годдзя БНР? 


Лявон Вольскі: Натуральна. І песня, якую мы днямі выпусцілі, таксама напісана да 100-годдзя БНР. 


Еўрарадыё: Так званы бульбасрач разышоўся па інтэрнэце вакол пытання як можна святкаваць у турме? Як вы ставіцеся да такога фармату святкавання?


Лявон Вольскі: Ну ў турме таксама трэба святкаваць. Наколькі я ведаю, тыя, хто сядзяць, па меры магчымасці святкуюць дні народзінаў. Але я хачу сваё меркаванне наконт усяго, што цяпер адбываецца, выказаць, калі ўсё пройдзе. Пасля 25-га. Я зычу, дарэчы, заўтрашняй імпрэзе вялікай колькасці людзей, добрага канцэрту, жадаю, каб гэта было запамінальна на ўсё жыццё і проста суперскі. 


Еўрарадыё: Я зноў вяртаюся да спрэчак, маўляў, у заўтрашнім святкаванні няма палітычнага кантэксту, адно толькі фестываль і музыка. А такая падзея не можа быць без шэсця і транспарантаў...


Лявон Вольскі: Хто як бачыць. На мой погляд, можа быць і шэсце, і канцэрт. Потым я б раіў пайсці гуляць па горадзе. Выключыць шэсце... Проста яно штогод збірае на тысячу менш чалавек. Летась дык сабралося нармальна, але там прысутнічалі больш антыдармаедскія настроі.


Еўрарадыё: Івонка Сурвіла ў размове з Еўрарадыё выказала меркаванне, што нягледзячы на тое, што многія актывісты патрапілі напярэдадні Дня Волі за краты, адмаўляцца ад святкавання, як некаторыя мяркуюць, не варта.


Лявон Вольскі: У тым, што іх зняволілі, ёсць пазіцыя дзяржавы, маўляў, ёсць мяжа. 


Еўрарадыё: А вы не асцерагаецеся, што дзяржава прысабечыць гэтае святкаванне?


Лявон Вольскі: Ды няхай сабе, але яна не прысабечыць. Гэтыя людзі, якія там сядзяць, даўным даўно склалі свае пазлы. Для іх гэта нешта такое ненармальнае, гэта ж не тое, дзе ёсць партызаны, бальшавікі, Ленін і Гамарнікі ўсе гэтыя. 


Еўрарадыё: Неўзабаве вы выпраўляецеся ў тур па Беларусі.


Лявон Вольскі: У нас распісаны ўвесь красавік і частка траўня. Я не ведаю, што можна чакаць ад гэтага тура, бо мы 10 гадоў нікуды не ездзілі. 


Еўрарадыё: Як вы лічыце, песня "Героі" атрымалася?


Лявон Вольскі: Мне падабаецца.

 

Апошнія навіны

Галоўнае

Выбар рэдакцыі