Прэзентацыя на Еўрарадыё: Дэбютнік “Странные люди” гурта U.G.Oslavia

Мінскі гурт U.G.оslavia прэзентуе свой першы паўнафарматны альбом, які атрымаў назву “Странные люди”.

“Звычайна назву дае адна з самых удалых песень дыска, але ні адна з іх не можа ахарактарызаваць цалкам увесь альбом, — разважае лідар гурта Юлія Багаслаўская. —Таму мы ўзялі спалучэнне словаў, якое чуем у свой адрас часцей за ўсё. А яшчэ гэта радок з песні нашага ўлюбёнага караля яшчарак "People are strange...".

Праца над дыскам вялася амаль два гады. На фінальным этапе па розных прычынах адзін за адным гурт пакінулі некаторыя музыкі, з-за чаго давялося падымаць усю праграму наноў.

“Дыск атрымаўся вельмі дзіўным, супярэчлівым і неаднародным, — распавядае пра матэрыял дэбютніка Юля. — Па сваім пасыле ён вельмі падобны на думкі чалавека, які засынае пасля насычанага дня: пачынаеш думаць пра адно, але пераносішся ў зусім іншае месца, а ў канцы разважанняў нават не ўзгадаеш з чаго пачынаў. Кожная песня — новая думка. Кожны знойдзе тут штосьці блізкае сабе па светапоглядзе ды па музычнай стылістыцы. У музычным сэнсе гэта вельмі разнамасны прадукт. Але больш дакладнай характарыстыкі, чым "рок-н-рол і бла-бла-бла..." мы яшчэ не прыдумалі”.

Канцэртная прэзентацыя альбома “Странные люди” адбудзецца 29 чэрвеня ў сталічным клубе TNT. Пачатак 21:00, уваход вольны.

• Трэк-ліст:
• 01 – Завтра
• 02 – Птичка
• 03 – Деньги
• 04 – Вставай
• 05 – Река
• 06 – Молодость
• 07 – Пузатая луна
• 08 – Фобофобия
• 09 – Открой глаза
• 10 – Песня про китайцев
• 11 – Мелодрама
• 12 – Сухофрукты
• 13 – Убегаешь
•  
• Удзел у запісе:
• Лёня Несцярук — гітара,
• Арцём Нікалаеў — бас,
• Паша Лубчонак — клавішы, бэк-вокал,
• Лёша Пятроў — бубны
•  
• Малюнак на вокладцы: Мікіта Рухля