Усе сябры журы,
запэўнівае рэжысёр і прадзюсер кампаніі "Карамболь" Уладзімір Максімкаў , згодныя падтрымаць
удзельнікаў конкурсу:
Уладзімір
Максімкаў: "Тыя, хто захоча прыняць удзел у конкурсе, могуць разлічваць на
кансультацыю сябраў журы і нават на іх удзел: Анатоль Кот гатовы зняцца ў нечай
працы, Андрэй Курэйчык – пракансультаваць ці нават дапамагчы ў напісанні
сцэнарыя, Іван Пінігін – даць рэжысёрскія парады і дапамагчы ў здымках фільма".
Удзельнічаць у
кінафоруме могуць як ужо знятыя фільмы, так і сцэнарыі для будучага кіно. А
здымаць можна не толькі на прафесійную камеру, але і на звычайны мабільны
тэлефон!
Уладзімір
Максімкаў: "У дадзеным выпадку пад малабюджэтным кіно мы маем на ўвазе любое
кіно. Удзельнікі могуць прадставіць і галівудскі блокбасцер, мы яго возьмем! У
нас ёсць толькі абмежаванні па часе. І самае галоўнае: гэта чаму "КінаVarka" -
фестываль малабюджэтнага кіно? Таму што да ўдзелу прымаюцца нават фільмы,
знятыя на мабільны тэлефон. Мы і іх возьмем, калі яны цікавыя".
Ніякіх
абмежаванняў не будзе і ў жанрава-тэматычным плане.
"Гэта самы
дэмакратычны фестываль у свеце! – запэўнівае Уладзімір Максімкаў – Палавыя,
расавыя, адукацыйныя, нацыянальныя, сацыяльныя, узроставыя і г.д. – ніякіх
абмежаванняў няма ўвогуле!"
Самае цікавае,
што можна нават проста прыйсці і распавесці пра ідэю свайго фільма. Калі ідэя
будучага відэа спадабаецца журы, кампанія "Карамболь" бясплатна прадставіць
тэхнічныя магчымасці для рэалізацыі здымак:
Уладальнік гран-пры "КінаVarki-2010" Жэня Берлінэ і Ўладзімір Максімкаў
Уладзімір
Максімкаў: "Камера, аператары, мантаж з прафесійнымі людзьмі – мы толькі ў
рэжысуру не ўмешваемся. Гэта ваша ідэя і ўвасабляйце яе, як вы яе самі бачыце.
У тэхнічным плане мы бясплатна вам дапаможам" .
Як кажуць аўтары
і арганізатары конкурсу, колькасць рана ці позна перарастае ў якасць і ў гэтым
годзе Кінаварка чакае новых моцных работ.
Уладзімір
Максімкаў: "У мінулым годзе было дзясятка паўтара фільмаў, якія можна было
паказваць. А за 2 гады "КінаVarka" я пакінуў у сваёй калекцый прыкладна 12
фільмаў – мне рэальна цікава іх глядзець".
"КінаVarka" –
праект не камерцыйны, нагадаў Уладзімір Максімкаў , таму што да гэтага часу ён
прынцыпова не мае ні інфармацыйных, ні іншых партнёраў.
Прэс-сняданак у кампаніі селебрыці
Нагадаем, што ў
межах "КінаVarki" рыхтуецца праект "Мінск, я люблю цябе" – гэта зборнік
навел-кароткаметражных фільмаў. Праца над фільмам будзе весціся яшчэ прыкладна
2 гады. Прэтэндаваць на назву-брэнд, умоўна кажучы, "Горад, я люблю цябе" ,
"КінаVarka" не збіраецца, але і выніковай назвы для фільма пакуль няма.
Уладзімір
Максімкаў: "Мы проста не хочам у гэтым сэнсе паўтарацца. Працоўная назва фільма "Горад М" . Зараз праект знаходзіцца на стадыі канчатковай распрацоўкі. Думаю,
што праз некаторы час мы аб’явім конкурс сцэнарыяў для гэтага фільма, умоўны
адбор рэжысёраў і акцёраў, а таксама адбор саўндтрэкаў. Для гэтага фільма мы б
таксама хацелі падрыхтаваць зрэз актуальнай сучаснай беларускай музыкі" .
Заяўкі на ідэі
сцэнарыяў прымаюцца да 1-га ліпеня . Цягам ліпеня журы разгледзіць працы ўсіх
канкурсантаў і запросіць на гутарку тых, хто ім найбольш спадабаецца. А таксама
будзе прынята рашэнне, якія фільмы будуць здымацца пры дапамозе кампаніі
"Карамболь" . Што тычыцца гатовых фільмаў - работы прымаюцца да 1-га кастрычніка .
У пачатку снежня "КінаVarka" традыцыйна падвядзе вынікі конкурсу.
Фота: Цімафей Скібенка
8159 / 8252 BYR
10369 / 10568 BYR
257 / 265 BYR
Каментары
kreativno-malajcy
"каструля" - так у дзяцінсвте маці называла Фідэля Кастра, а па беларуску правільна будзе "рондаль"
Што думаеш? Выкажы сваё меркаванне