Ім стане Лінас Лінкявічус. Ён заменіць Эдмінаса Багдонаса.
Akute, Green Pepper, BosaeSonca
Сёння нашу ўвагу прыцягнулі сінглы адразу трох гуртоў, якія рыхтуюць да выдання паўнавартасныя альбомы
Аўтар: Еўрарадыё 09.02.2012 15:44

Так, у інтэрнэце з’явіўся новы рэліз гурта Akute пад назвай "Kroŭ EP", загалоўнай кампазіцыяй якога стала песня "Кроў бы вада". Гэта першы сінгл з будучага альбома, які мусіць з’явіцца гэтай вясной.
Распачынаючы працу над запісам другога альбому, гурт Akute абяцаў спусціцца з касмічных прастораў першай пласцінкі на зямлю і нават глыбей – у пекла. Па сінгле "Kroŭ EP" цяжка меркаваць, наколькі гэта ў музыкантаў атрымаецца, але пакуль Akute даюць пацвярджэнне, што будучая пласцінка і сапраўды будзе, як мінімум, крывавай. Але не тое, каб вельмі страшнай і "пякельнай".
Акрамя загалоўнай кампазіцыі, на новым сінгле ёсць прыемныя бонусы - "Кроў бы вада" загучала ў разнастайных апрацоўках ад беларускіх праектаў ideainahead, B_Side і Pryzma, а таксама ад прадстаўнікоў маскоўскай хіп-хоп-сцэны – праекта "Манижа & Миша Мищенко", якія літаральна за адзін дзень зрабілі сваю версію песні. Самае цікавае гучанне, бадай што, песня атрымала ў трып-хоп версіі гурта B_Side. Паслухайце самі.
Як бачыце, пакуль Akute толькі абяцаюць прайсці праз усе пякельныя колы. Але шалёнаму натоўпу "акутаўскіх" дзевачак сінгл спадабаецца.

Яшчэ адзін сінгл,пра які мы пагаворым сёння, ад англамоўных поп-рокераў Green Pepper пад назвай Empty Reality. Зараз гурт актыўна збіраецца "за кардон" і разглядае варыянты супрацоўніцтва з заходнімі лэйбламі. Як распавядаюць самі музыканты, "гэтым разам усё сапраўды сур’ёзна".
Што ж, паглядзім. У сінгл увайшлі дзве кампазіцыі, у якіх амбітныя ды сапраўды зялёныя Green Pepper (музыкантам няма яшчэ і 20 гадоў) спрабуюць стаць больш агрэсіўнымі і драйвовымі. Але, сяркуючы па матэрыяле "Empty Reality", гурт зноўку гуляе то ў ціхія балады, то ў драйвовыя гітарныя кампазіцыі. Сінгл адкрываецца рашучымі гітарнымі сола Gimme More Fashion, падчас якой вакаліст каманды Даніэль Перцаў то нешта рычыць у мікрафон, то салодка і распеўна смакуе кожнае слова. Напрыканцы кампазіцыі нечакана далучаецца спецыфічны "бэк-вакал" – па-за гітарамі ненатуральна "енчыць" дзяўчына.
Ужо ў другой кампазіцыі, "Empty Reality", якая і дала назву сінглу, Даніель Перцаў вяртаецца да характэрнага першаму альбому каманды з летуценнага настрою і нейкага рамантычнага спліну. З такімі песнямі бавяць самотныя ночы ў інтэрнатах, але вакалу Даніэля відавочна не хапае моцы і гіпнатычнасці для паўнаты карцінкі. Ад залішняй саладжавасці кампазіцыю страхуюць хіба што гітары ў прыпеве.
Хочацца верыць, што ўсё ж такі ў другой пласцінцы музыкі вызначацца са стылем, тэкстамі і заадно планамі на будучыню.

Гурт BosaeSonca пераасэнсаваў свае старыя творы і выпусціў міні-альбом "Shara". Атрымаўся ненапружаны, вясёлы альбом са святочным настроем. Ёсць тут і рок-н-рол, і фанкавыя мелодыі, з кожнай кампазіцыі так і прэ энергія шчасця і суцэльная эндарфінная плынь.
Міні-альбом "Shara" будзе выдадзены лімітаваным накладам на CD. Акрамя 4-х кампазіцый, музыканты абяцаюць дапоўніць пласцінку бонусамі і выканаць яе ў эксклюзіўным дызайне. Зараз гурт працуе над дэбютным паўнафарматным альбомам. Што ж, чакаем і спадзяемся, што пласцінка атрымаецца такой жа пазітыўнай.
- аудио
- текст
You are missing some Flash content that should appear here! Perhaps your browser cannot display it, or maybe it did not initialize correctly.
БОЛЬШ ПА ГЭТАЙ ТЭМЕ
- Гурт "7Б" адкрыў серыю новых Бульфэстаў (Фота, відэа)
- Akute - сапраўдныя ці ўяўныя новыя героі сцэны?
- Akute "Не існуе"
- Гісторыя гурта Akute, якую вы не маглі сабе ўявіць
- Хочаш трапіць на Бульфэст і пачуць на ўласныя вушы легендарных "7Б"?
- Akute: "У нас усе песні пра ракавых прыгажуноў”
- Тры канцэрты ў Магілёве – пра Бога, ЦЭЦ і танцы на касцях
8159 / 8252 BYR
10369 / 10568 BYR
257 / 265 BYR
Каментары
Странно... Свои восторженные отклики о работе малолеток из Грин Пепппер высказали Николай Неронский, Валерий Дайнеко, David MacFayen и Сам Benny Andersson etc. А тут, какой-то заштатный " музыкальный эксперт" ярлыки вешает... Окстись, корректор!!! Что-ты запоешь через год... Лауреат Международного конкурса Rovere d'Oro в Италии в классе классического вокала не может рычать. Тогда, что по-твоему, делают AC/DC & Nazareth??? Задрали придурки от искусства!!!! Типа, автора этих рецензий!!! Какое там Еврорадио!!!! Плебс плебсом погоняет!!! Читай по буквам - т-ы д-е-г-е-н-е-р-а-т !!!
Што думаеш? Выкажы сваё меркаванне