Дзяржава збіраецца выкупіць банк "Масква-Мінск"

Гэтае пытанне зараз разглядаецца, паведамліа Надзея Ермакова. Здзелка з "ВТБанкам", які зараз валодае банкам "Масква-Мінск", можа адбыцца ўжо ў першым паўгоддзі 2012 года.

У той жа час, Нацбанк працуе над продажам мінарытарных пакетаў акцыяў "Беларусбанка" і "Белаграпрамбанка". "Мы бачым у якасці пакупнікоў першакласныя банкі — то бок, банкі Заходняй Еўропы. Улічваючы тое, якая сітуацыя зараз склалася на еўрапейскім фінансавым рынку, мы наўрад ці знойдзем пакупніка сёлета", — зазначыла Надзея Ермакова.

Ермакова: Купюры ў 10 і 20 рублёў застануцца

"Яны могуць заставацца ў абарачэнні яшчэ і год, і два", — паведаміла Надзея Ермакова.

"Мы мусім выпусціць у эканоміку ўсе купюры, якія знаходзяцца ў нашых сховішчах, — растлумачыла старшыня Нацбанка. — Таму вымацца гэтыя купюры не будуць. Мы будзем забіраць з абарачэння старыя купюры, замяняючы іх новымі. Гэты працэс можа расцягнуцца і на год, і на два".

Купюра ў 200 тысяч з'явіцца ўвесну

Да з'яўлення новай купюры будзе прымеркаванае ўрачыстае мерапрыемства.

"Па той працы, якая вядзецца ў нас з Дзяржзнакам Расіі, мы бачым, што яна будзе выпушчаная ўвесну", — канкрэтызавала Надзея Ермакова.

Частка беларускіх золатавалютных запасаў часова захоўваецца ў Расіі

Гэта робіцца дзеля таго, каб была магчымасць іх хутка канвертаваць з расійскіх рублёў у долары, паведаміла старшыня Нацбанка.

Месцазнаходжанне большай часткі ЗВР апошнім часам не змянялася, распавяла на прэс-канферэнцыі ў Мінску Надзея Ермакова. "Каб актывы лічыліся рэзервамі, яны мусяць захоўвацца ў першакласных банках. Там яны зараз і захоўваюцца," — дадала старшыня Нацыянальнага банка.

Ермакова: Заробак можа дарасці за 2012 год да 500 долараў.

Але мы мусім іх зарабіць, дадала старшыня Нацбанка.

Нагадаем, Надзея Ермакова сёння праводзіць прэс-канферэнцыю ў Мінску.

"Нацбанк выключыў эмісійныя крыніцы грашовых выдаткаў", — зазначыла Ермакова. На яе думку, гэта выключае магчымасць паўтарэння крызісу 2011 года.

Нацбанк: Магчыма, стаўка рэфінансавання будзе зніжаная 15 лютага

Пра гэта на прэс-канферэнцыі ў Мінску паведаміла старшыня Нацбанка Надзея Ермакова.

Ермакова: "Стаўка рэфінансавання мусіць быць прывязаная да інфляцыі. Як толькі мы пабачым сітуацыю па студзеню — будзем разглядаць пытанне аб змене стаўкі рэфінансавання. Зараз бачна, што рост інфляцыі запаволіўся. Пакуль што ў нас ёсць падставы меркаваць, што стаўка рэфінансавання будзе зніжаная".

Паводле Ермаковай, ёсць усе падставы для таго, каб выканаць прагнозныя паказчыкі грашова-крэдытнай палітыкі на 2012 год. У той жа час, старшыня Нацбанка зазначыла, што ў людзей заховаюцца высокія інфляцыйныя і дэвальвацыйныя чаканні.

Фота — bymedia.net

• текст

БОЛЬШ ПА ГЭТАЙ ТЭМЕ

• Прыбыткі Нацбанка летась скараціліся амаль у пяць разоў
• Мастацкаму музею ў Магілёве аддалі 200-тысячную купюру №1
• Ермакова: У наступным годзе можам разгледзець дэнамінацыю рубля
• Надзея Ермакова: Усе пазыкі мы зможам вярнуць. 18,9 млрд долараў?
• 200-тысячную купюру рыхтавалі яшчэ пры Пракаповічу
• “Вельмі спяшаюцца замовіць Дошку гонару да прыезду прэзідэнта”
• Ермакова: Манеты, магчыма, і будуць, але не пры мне