Гурт "Ляпис Трубецкой" рыхтуе моцна палітызаваны альбом

Гурт "Ляпис Трубецкой" актыўна працуе над новым альбомам. Матэрыял для яго ўжо цалкам напісаны.

"Песні ўсе будуць вельмі баявыя, жорсткія, ці маршападобныя, ці зусім хардкор-хардкор, – апісвае новую працу “Ляпісаў” прэс-сакратар гурта Аляксандр Бергер. – Адпаведна, і паводле тэматыкі гэта будзе дастаткова моцна палітызаваны альбом. Але, паводле словаў Міхалка, да тых песень, што ўжо выйшлі, там не будзе нейкай агіткі ў лоб. Такой, каб можна было зразумець, што гэтая песня пра Расію, а гэтая – пра Беларусь".

Музыкі ўжо прэзентавалі песні "Не быць скотам" і "Путинарода", якія будуць на новым дыску. А вось які трэк будзе прэзентаваны наступным, пакуль не вядома. Зараз "Ляпісы" аддалі некалькі гатовых трэкаў розным кліпмэйкерам, сярод якіх і тыя, што раней з імі не супрацоўнічалі. І менавіта тая кампазіцыя, якая першай атрымае відэашэраг, з'явіцца хутчэй.

Паралельна з гэтым гурт "Ляпис Трубецкой" падрыхтавалі новую канцэртную праграму "Не быць скотам", якую прэзентуюць падчас канцэрту ў Смаленску 3 сакавіка. На гэтым канцэрце музыкі абяцаюць сыграць зусім новыя песні. Дарэчы, квіткі на гэты канцэрт можна набыць і ў Мінску. Разам з праездам да Смаленску яны каштуюць 300 000 рублёў. Праўда, колькасць месцаў абмежаваная і бліжэй да канцэрта квіткі будуць даражаць.

Даведкі па тэлефоне:

+375 17 280 15 10 (с 10:00 до 17:00 будні)
+375 33 6555596 (с 9:00 до 20:00)
+375 29 6555596 (с 9:00 до 20:00)

• текст

БОЛЬШ ПА ГЭТАЙ ТЭМЕ

• Ляпис Трубецкой “Рабкор”
• “Ляпісы” выпусцілі свой новы альбом “Рабкор”
• Па Мінску развесілі афішы з канцэртамі Ляпісаў, Крамы і Крамбамбулі (фота)
• "Ляпісы" выдаюць "Рабкор" ужо 1 траўня!
• Для новага кліпа “Ляпісы” падбіваюць на стрыт-арт у стылі Бэнксі
• "Ляпис Трубецкой" выступіў у Смаленску (фота, відэа)
• Еўрарадыё разыграла квіток на канцэрт “Ляписа Трубецкого” у Смаленску