Міхалок стане рабочым карэспандэнтам і напіша песні пра гарачыя падзеі

Фота: www.lyapis.com

Песні з яго музыканты ўжо прэзентавалі падчас новага тура з праграмай “Не быць скотам”.

"Рабкор" – гэта вельмі ёмістае і вельмі шматзначнае паняцце, – тлумачыць лідар калектыву Сяргей Міхалок. – З аднаго боку, гэта гучыць як назва музычнага стылю, па аналогіі з хардкорам, ска-корам, гэта такая музыка рабоў, якія паўсталі. І я магу сказаць, што новы альбом будзе самым лютым і жорсткім з усіх запісаў, калі-небудзь зробленых гуртом "Ляпис Трубецкой". З іншага боку, "рабкор" – гэта скарачэнне ад старога паняцця "рабочы карэспандэнт". А мы цяпер будзем займацца менавіта музычнай журналістыкай. Не ў сэнсе напісання артыкулаў пра музыку, а ў сэнсе напісання песень-перадавіц па гарачых слядах падзей. Гэта не кан'юнктура, гэта сучаснае і актуальнае мастацтва, як я яго разумею. Мастацтва, якое адбываецца тут і цяпер. Музычная гонза-журналістыка. А тое, што песні, напісаныя па такім прынцыпе, могуць хутка састарэць – гэта мяне не хвалюе. Больш за тое, я да гэтага імкнуся! Я мару пра тое, каб праз 5 ці 10 гадоў людзі наогул не разумелі, пра што мы спявалі ў 2012 годзе. Каб усе гэтыя праблемы зніклі з жыцця людзей. І тады мы зноў вернемся да песень пра каханне, кветачкі і Млечны шлях".

Калі выйдзе альбом – пакуль невядома. Гурт цяпер заняты маштабным турам. “Ляпис Трубецкой” дасць больш за 30 канцэртаў у Расіі і ва Украіне. У Беларусі ж пабачыць музыкаў не атрымаецца. Нягледзячы на тое, што пракуратура не стала заводзіць справу на Сяргея Міхалка, ён пакуль не імкнецца на Радзіму. Да таго ж, “ляпісы” год таму трапілі ў “чорныя спісы”, пасля чаго не здолелі арганізаваць ніводнага канцэрта на Радзіме.А мы цяпер будзем займацца менавіта музычнай журналістыкай. Не ў сэнсе напісання артыкулаў пра музыку, а ў сэнсе напісання песень-перадавіц па гарачых слядах падзей

• текст

БОЛЬШ ПА ГЭТАЙ ТЭМЕ

• Ляпис Трубецкой “Рабкор”
• “Ляпісы” выпусцілі свой новы альбом “Рабкор”
• Па Мінску развесілі афішы з канцэртамі Ляпісаў, Крамы і Крамбамбулі (фота)
• "Ляпісы" выдаюць "Рабкор" ужо 1 траўня!
• Для новага кліпа “Ляпісы” падбіваюць на стрыт-арт у стылі Бэнксі
• "Ляпис Трубецкой" выступіў у Смаленску (фота, відэа)
• Еўрарадыё разыграла квіток на канцэрт “Ляписа Трубецкого” у Смаленску