N.R.M. знялі кліп у духу перфомансаў Паўла Альтхамера(фота)

Трыа N.R.M. скончыла здымкі відэа на песню “Прамень”, якая ўвойдзе ў будучы альбом гурта. Аўтарам ідэі кліпа, у якім музыкі з’яўляюцца ў залатых камбінезонах, выступіў знакаміты польскі мастак і скульптар Павел Альтхамер, рэжысёрам – польскі кліпмэйкер Яцэк Ташакоўскі.

“Сэнс кліпа – людзі ідуць сустракаць усход сонца, - распавядае змест відэа Піт Паўлаў. – Разам з N.R.M. і проста разам адзін з адным”.

З гэтай нагоды N.R.M. абвясцілі конкурс фотаздымкаў, частка з якіх увойдзе ў адзін кліп, а другая частка - у дадатковае відэа, якое будзе сабранае толькі з дасланых гурту фота. Такім чынам, кажа Піт Паўлаў, тым, хто хоча трапіць у асноўнае відэа з залатымі касцюмамі, варта паспяшацца – іх адбор заканчваецца на днях. Але сам конкурс працягнецца да траўня. 10 пераможцаў конкурсу атрымаюць у падарунак ад N.R.M. новы альбом гурта, выхад якога рыхтуецца, а галоўны пераможца атрымае магчымасць наведаць канцэрт каманды ў Берліне. Дасылаць фота можна на e-mail petepaff@tut.by, а таксама дадаць на сцяну конкурсу на Facebook.

"Залатыя" Піт Паўлаў і Алезіс Дземідовіч

А гэта фота праекта Альтхамера "Агульная задача", за якую скульптар атрымаў Aachen Art Prize-2010.

Фота: з Facebook Піта Паўлава, www.dailymail.co.uk, http://uk.phaidon.com/agenda/

• текст
• фото

БОЛЬШ ПА ГЭТАЙ ТЭМЕ

• За 10 тысяч еўра N.R.M. апранулі міліцыянера ў залаты камбінезон (Відэа)
• Вольскі: Гэта трыа N.R.M. я б не называў “энэрэмам”
• Піт Паўлаў: "Новыя песні слухачы ўспрымаюць крышачку без увагі і неахвотна"
• На байк-фэсце ў Лагойску збярэцца блізу 1 тысячы матацыклаў
• У планах "Тузін.Unplugged" акустычныя J:Морс, Ляпіс Трубяцкой і Neuro Dubel
• Вольскі: У "чорным спісе" ёсць гурт на літару "К"
• Віктар Дзятліковіч не хоча дапісваць апошнюю главу ў гісторыі N.R.M.