У Буда-Кашалёўскім раёне скралі 18 тон курынага памёту
Міліцыянты кажуць, што злачынства ўчыніў майстар машынатрактарнага парку сельскагаспадарчага прадпрыемства "Беларуснафта-Асобіна".
Памёт, які належыць прадрпыемству, ён скраў з поля. Паводле інфармацыі БелаПАН, скрадзенае ацанілі ў 720 тысяч рублёў.
На зламысніка пачалі крымінальную справу. Скрадзены памёт у яго не канфіскоўвалі, пад варту мужчыну не бралі.
