У дакладзе МЗС Беларусі амерыканскага палітыка-жанчыну назвалі мужчынам
Але толькі ў англійскім варыянце даклада "Аб парушэннях правоў чалавека ў некаторых краінах свету ў 2012 годзе".
На гэта звярнуў увагу амерыканскі часопіс Foreign Policy. Ён адзначыў, што МЗС Беларусі піша пра кандыдата ў прэзідэнты ЗША ад Партыі зялёных Джыл Стайн, якая трапляла пад арышт за ўдзел у вулічных акцыях пратэсту. Аднак пра гэтую жанчыну ў дакладзе пішуць, як пра мужчыну.
Еўрарадыё спраўдзіла і, сапраўды, аказалася, што ў англамоўным варыянце Джыл Стайн праходзіць, як мужчына:
"G. Stein, a candidate from the Green Party, has on several occasions during the electoral campaign been subjected to administrative arrest, owing to his participation in peace protests".
У рускамоўным варыянце памылкі няма:
"Кандидат от Зеленой партии Дж. Стейн в ходе избирательной кампании несколько раз подвергалась административным арестам за участие в мирных акциях протеста".
На здымку: Джыл Стайн (справа). Фота — GLOBAL LOOK press