8154 / 8249 BYR
10376 / 10571 BYR
257 / 265 BYR
У першым кваліфікацыйным раўндзе яна саступіла ў трох партыях Алізі Карнэ з Францыі — 4:6, 6:2, 4:6, інфармуе "Прессбол".
У Мінску пройдзе “форум” сучаснай харэаграфіі
6 майстар-класаў і 2 вялікія спектаклі чакаюць мінчукоў на гэтым тыдні.
Аўтар: Еўрарадыё 21.11.2011 17:30
Адразу дзве танцавальныя прэм’еры албудуцца на пляцоўках Мінска 22-га лістапада. Тэатр сучаснай харэаграфіі D.O.Z.SK.I запрашае паглядзець мініяцюры “Нічога агульнага” і “Low Frequency”. Разам з D.O.Z.SK.амі на сцэну РТБД выйдзе польскі тэатр “Завіраванне”, які вязе ў Мінск спектакль пад назвай “Блізкасць”.
Паралельна са спектаклямі, D.O.Z.SK.I і “Завіраванне” рыхтуюць 3 майстар-класы, па выніку якіх абодва тэатры зладзяць яшчэ адну адкрытую імпрэзу. Яны пройдуць 21, 23 і 24 лістапада.
“21-га -23-га – гэта рабочы працэс, людзі могуць прыходзіць і глядзець, - тлумачыць адзін з харэографаў D.O.Z.SK.I Зміцер Залескі. - А вось так званы адкрыты урок будзе 24-га лістапада. На двух папярэдніх мастэр-класах мы будзем напрацоўваць, а ў выніку, па прапанове польскага боку, складзем гэта ў невялікі перфоманс. Гэты майстар-клас будуць весці палякі і мы з Вольгай Скварцовай”.
У гэты ж дзень, 22-га кастрычніка, на вялікай сцэне к/з Мінск тэатр сучаснага танца “Каракулі” адсвяткуе сваё 3-годдзе. Зоркі склаліся так, што у двух выбітных тэатраў не толькі супалі даты канцэртаў, але і даты майстар-класаў і нават назвы двух спектакляў – сваю “Блізкасць” прывязе ў Мінск і госць “Каракуляў”, тэатр сучаснага танца "Voices" Dance Company з Кішынёва. Самі акцёры вельмі смуткуюць, што два такія цікавыя мерапрыемствы адбудуцца ў адзін дзень, а гледачам-аматарам сучаснай харэаграфіі давядзецца бадай што выкідваць на пальцах, на якую з імпрэзаў адправіцца. Бо і там, і там, абяцаюць акцёры, будзе на што паглядзець.
Яшчэ адзін госць “Каракуляў”– "Lyubashin brothers group" з Санкт-Пецярбургу. Аляксандр Любашын – харэограф тэатру з Піцера, абяцае паказаць Мінску светлавое шоў, распавядае мэнэджар “Каракуляў” Вераніка Сафаловіч:
“У сваіх спектаклях ён любіць выкарыстоўваць відэапраекцыі, светлавыя эфекты і будуе спектакль на аснове ўсіх магчымых светлавых фокусаў. Адзін са спектакляў, якія пакажуць піцерцы, называецца "Morning Valentine", дзе будуць выкарыстоўваюцца камеры, жывыя здымкі, і жывое праецыраванне ў рэжыме он-лайн на экране”.
Самі "Каракулі" выйдуць на сцэну са спектаклем “Краскі” якім распавядуць пра ўзаемапранікненне людзей адно ў аднаго.
Жадаючым трапіць на мастэр-класы да тэатра “Каракулі”, паведамляем даты: 21-га кастрычніка мастэр-клас харэографа Любашына, 23-га кастрычніка - запрашае харэограф “Каракуляў” Вольга Лабоўкіна, а ўвечары 23-га – прыходзьце на мастар-клас ад харэографаў з Кішынёва.
Па гэтай тэме таксама чытаюць:
Каментары
Трапіць можна вельмі проста!! Вы проста прыходзьце! На мастэр-класы да Дошак і Завіравання па адрасе Фабрыцыўса 5 - 407 заля (ст.м.Інстытут культуры) і па адрасе Я.Коласа 47, гэта Цэнтр "Светач, клас 26. Поспехаў!))))
А как можно попасть на эти мастер-классы?
Што думаеш? Выкажы сваё меркаванне