8154 / 8249 BYR
10376 / 10571 BYR
257 / 265 BYR
У першым кваліфікацыйным раўндзе яна саступіла ў трох партыях Алізі Карнэ з Францыі — 4:6, 6:2, 4:6, інфармуе "Прессбол".
У Мінску пройдзе першы афіцыйны трыб'ют AC/DC
Хіты аўстралійцаў выканае ўкраінскі кавер-гурт AS/DS, які нават знешне падобны на сваіх аўстралійскіх куміраў.
Аўтар: Ілля Маліноўскі 30.01.2012 14:31
19 лютага ў сталічным клубе "Мулен Руж" адбудзецца першы ў Беларусі афіцыйны трыб'ют гурта AC/DC. Адыграць двухгадзінны сэт з лепшых песень культавага гурта прыедуць украінцы AS/DS, якія афіцыйна набылі правы на выкананне песень аўстралійцаў.
"Мы цалкам пераігрываем і выгляду спрабуем такога ж прытрымлівацца, - распавядае пра кавер-праект лідар AS/DS Аляксандр Цяцерын. - У нашага гітарыста і касцюмчык і шорцікі, у вакаліста - кепка, джынсы ды чорная майка... То бок, спрабуем быць падобнымі і знешне і па гучанні таксама. Падаецца, у нас гэта атрымліваецца, іначай людзі не хадзілі б на нашы канцэрты".
А канцэртаў у AS/DS насамрэч шмат, па некалькі на тыдзень. Праўда, пакуль толькі на радзіме. Мінскі ж канцэрт стане першым выездам музыкаў за межы Украіны. Пасля плануюцца расійскія выступы і ў бліжэйшых Еўрапейскіх краінах.
Дададзім, што мінскі трыб'ют 19 лютага прысвечаны першаму вакалісту AC/DC Бону Скоту, які ў гэты дзень 1980 года памёр ад алкагольнага атручэння. Канцэрт пачнецца а 19-й гадзіне, квіткі каштуюць ад 60 да 120 тысяч рублёў.
P.S. У хуткім часе на сайце і ў эфіры "Еўрарадыё" усе жадаючыя здолеюць пазмагацца за два квіткі на канцэрт-трыб'ют...
Кошты квіткоў:
Супер-кошт толькі ў студзені - 60 000
У лютым - 70 000
У дзень трыб'юта - 80 000
VIP-месцы за столікамі - 120 000 (прадаюцца толькі папярэдне ў клубе "Граффити")
Кантактныя тэлефоны:
+375(29) 638-44-44
+375(33) 638-44-44
+375(25) 638-44-44
Па гэтай тэме таксама чытаюць:
Каментары
Што думаеш? Выкажы сваё меркаванне