У Мікашэвічах патануў 8-гадовы хлопчык, яго аднагодак загінуў у Бабруйску
Першы трагічны выпадак адбыўся ўвечары на штучным вадаёме каля адной з мікашэвіцкіх школ. Дзіця там адпачывала з бацькамі.
Пакуль бацька і маці адпачывалі на беразе, хлопчык купаўся, а пасля знік. Цела загінулага ўжо знайшлі, праводзіцца праверка.
У Бабруйску ўчора ўвечары на дарогу раптоўна выбег 8-гадовы хлопчык і трапіў пад легкавік, які праязджаў міма. Дзіця загінула, распачатая крымінальная справа. Кіроўца быў цвярозы, ён застаўся на месцы трагедыі, інфармуе БелаПАН.
Здымак з архіва. Фота — bymedia.net
