Завершанае расследаванне крымінальнай справы гендырэктара "Барысаўдрэва"
Дзеянні Уладзіміра Мальцава кваліфікаваныя па артыкуле "злоўжыванне службовымі паўнамоцтвамі". Яму пагражае да 10 гадоў пазбаўлення волі.
Адбылося гэта падчас выканання дзяржпраграмы па мадэрнізацыі прадпрыемства. У выніку, "Барысаўдрэў" атрымаў страты ў асабліва буйным памеры — больш за 18 млрд рублёў (больш за 1 млн 700 тысяч долараў). БЕЛТА адзначае, што сярод наступстваў дзеянняў гендырэктара — зрыў тэрмінаў па рэалізацыі дзяржаўнай праграмы па мадэрнізацыі.
Таксама накладзены арышт на маёмасць на суму больш за 400 млн рублёў. Мальцаў па-ранейшаму застаецца пад вартай.
Нагадаем, што 8 лістапада 2013 года Аляксандр Лукашэнка наведваў прадпрыемства і быў абураны сарванымі тэмпамі мадэрнізацыі (гл. відэа). Быў адпраўлены ў адстаўку кіраўнік Мінскай вобласці Барыс Батура. Уладзімір Мальцаў заставаўся кіраўніком "Барысаўдрэва", але ў сакавіку 2014-га на яго завялі крымінальную справу.
На здымку Мальцаў стаіць злева ад Лукашэнкі.