13 студзеня долар вырас на 92 рублі
У сераду, 13 студзеня, на Беларускай валютна-фондавай біржы прайшлі чарговыя таргі валютамі. Па іх выніках Нацбанк вызначыў новыя курсы валют. Курс долара вырас на 92 рублі — да 19 326, курс еўра патаннеў на 23 рублі і складае 20 928 рублёў, курс расійскага рубля вырас — з 251,04 да 252,75 беларускага.
Беларускі рубель аслабеў да кошыка валют на 0,38%.
Нагадаем, што ў аўторак, 12 студзеня, курс долара вырас на 186 рублёў — да 19 234, курс еўра — на 214 і склаў 20 951 рубель, курс расійскага рубля таксама вырас — з 250,21 да 251,04 беларускага.
