5 кастрычніка ў Беларусі чакаюцца невялікія дажджы
Восень / Еўрарадыё
У сераду, 5 кастрычніка, у Беларусі будзе воблачна з праясненнямі, паведамляе Белгідрамет.
Уначы пераважна па ўсходняй палове краіны пройдуць кароткачасовыя дажджы, удзень месцамі прагназуюцца невялікія дажджы. Вецер будзе заходні, паўднёва-заходні ўмераны, уначы месцамі парывісты.
Тэрмометры ўначы пакажуць 2-8 цяпла, удзень чакаецца ад +9 па паўночным усходзе да +16 па паўднёвым захадзе.
