Адзін з чатырох хворых на "свіны" грып выпісаны з мінскай бальніцы

Грамадзянін Кітая, аспірант БДУ, які стаў першым, хто захварэў на "свіны" грып у Беларусі, у пятніцу быў выпісаны ў мінскай гарадской клінічнай інфекцыйнай бальніцы. Разам з ім была выпісаная і яго жонка, вірус грыпа ў якой, як высветлілася, адсутнічае, паведамляе БЕЛТА.

Сёння стала вядома, што "свіным" грыпам захварэлі трое дзяцей, якія вярнуліся з адпачынку ў Вялікабрытаніі. Міністэрства аховы здароўя паведамляе толькі, што агульны іх стан задавальняючы, яны атрымліваюць неабходнае лячэнне.