Аляксандр Лукашэнка заявіў пра жаданне зрабіць прышчэпку ад COVID-19
Падчас наведвання Мінскай абласной клінічнай бальніцы / president.gov.by
Аляксандр Лукашэнка заявіў пра жаданне вакцынавацца ад каранавіруса, але беларускай вакцынай, паведамляе яго прэс-служба.
"Нам абсалютна з практыкі зразумела, што прышчэпленыя людзі менш хварэюць, а калі хварэюць, то катастрофы такой няма. Гэта факт, пацверджаны клінічна", — адзначыў Аляксандр Лукашэнка.
Лукашэнка ў сераду наведаў клінікі ў Мінскім раёне, дзе азнаёміўся з лячэннем пацыентаў з анкалагічнымі захворваннямі, а таксама каранавіруснай інфекцыяй. Падчас візіту ў Мінскую абласную клінічную бальніцу Лукашэнка ўвайшоў у чырвоную зону, дзе лечацца пацыенты з COVID-19.
