Амбасада ЗША ў Беларусі пазітыўна адрэагавала на праўладны пікет
Амбасада ЗША Ў Мінску пазітыўна ацаніла праўладны пікет каля сваіх сцен.
Як распавядала Еўрарадыё, пікеты каля амбасадаў ЗША і Украіны прайшлі зранку 23 сакавіка. У іх удзельнічалі людзі з чырвона-зялёнымі сцягамі і плакатамі.
Амбасада ЗША прапанавала, каб беларускія ўлады пашырылі на ўсіх беларусаў права на сходы і на мірнае выказванне меркаванняў — асабліва напярэдадні Дня Волі.
"Улады дазволілі мірным дэманстрантам сабрацца і крытыкаваць ЗША каля амбасады. Мы падтрымліваем права на сходы і мірнае выказванне свайго меркавання. Напярэдадні Дня Волі мы заклікаем улады распаўсюдзіць гэтыя правы на ўсіх беларусаў — без міліцэйскага гвалту і затрыманняў", — гаворыцца ў паведамленні амбасады ў сацыяльных сетках.
Напярэдадні амерыканскія дыпламаты выказалі шкадаванне з нагоды таго, што беларускія ўлады не дазволілі правесці святкаванне Дня Волі ў Мінску.
Власти позволили мирным демонстрантам собраться и критиковать США возле посольства. Мы поддерживаем право на собрания и мирное выражение своего мнения. В преддверии Дня Воли мы призываем власти распространить эти права на всех белорусов - без милицейского насилия и задержаний.
— U.S. Embassy Minsk (@USEmbBy) March 23, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
