Анатоля Лябедзьку асудзілі на 30 сутак
На 30 сутак арышту асуджаны Анатоль Лябедзька — прадстаўнік Святланы Ціханоўскай па канстытуцыйнай рэформе. Як заяўляе "АГП-ТБ", суд працягваўся дзве хвіліны.
Яго абвінавацілі ва ўдзеле ў масавым несанкцыянаваным мерапрыемстве. Лябедзьку затрымалі 14 траўня, калі ён прыехаў падтрымаць моладзь, якую судзілі па "справе студэнтаў". Міліцыянты палічылі наяўнасць людзей каля суда несанкцыянаванай акцыяй.
Судзілі Лябедзьку ў судзе Маскоўскага раёна Мінска. Суддзя адхіліла ўсе хадайніцтвы Лябедзькі.
