Андрэю Янушкевічу і Насце Карнацкай зноў далі "суткі"
Выдавец Андрэй Янушкевіч і літаглядальніца Наста Карнацкая атрымалі новыя адміністрацыйныя прысуды і па-ранейшаму знаходзяца на Акрэсціна. Неафіцыйныя звесткі пра гэта з'явіліся ў сацсетках.
Як паведамляе Беларуская Рада культуры, Янушкевічу 6 чэрвеня прысудзілі 8 сутак арышту.
Як распавядала Еўрарадыё, 16 траўня Янушкевіч адчыніў у Мінску кнігарню "Кнігаўка", дзе Канацкая працавала прадавачкай. У той жа дзень туды наведаўся дэсант праўладных прапагандыстаў, а па іх слядах прыйшлі сілавікі з ператрусам. Янушкевіча і Карнацкую затрымалі і асудзілі. Пасля гэтага яны на волю яшчэ так і не выходзілі.
