"Арыён" даслаў фота Зямлі: маленькі блакітны шарык на фоне чорнага космасу
Фота Зямлі, якое даслаў "Арыён" / NASA
"Арыён" даслаў фота Зямлі. На ім — маленькі блакітны шарык на фоне чорнага космасу, піша "Бі-Бі-Сі". Касмічны карабель быў запушчаны да Месяца 16 лістапада. Ён прайшоў у 130 кіламетрах ад паверхні спадарожніка нашай планеты і цяпер выходзіць на больш высокую арбіту.
Спецыялісты NASA кажуць, што пакуль місія пераўзыходзіць усе чаканні. Паколькі гэта выпрабавальны палёт, у капсуле, тэхнічна прызначанай для экіпажа, знаходзяцца тры манекены, абвешаныя разнастайнымі датчыкамі і прыборамі. Калі гэты пробны палёт пройдзе нармальна (вяртанне "Арыёна" чакаецца 11 снежня), то ў наступны рэйс да Месяца адправяцца ўжо не манекены, а жывыя астранаўты.
@NASA_Orion captured this shot of Earth “setting” while the spacecraft passed close to the Moon. Nearly 270,000 miles (430,000 km) away, #Artemis I will soon surpass Apollo 13’s record-setting distance from Earth in a spacecraft designed to carry astronauts. pic.twitter.com/lvDS7nGPRo— NASA (@NASA) November 21, 2022
