Аснову ВКЛ склалі беларускія землі і насельніцтва, а не сучасная Літва — Лакіза

Дырэктар Інстытута гісторыі Нацыянальнай Акадэміі Беларусі Вадзім Лакіза выказаўся пра Вялікае княства Літоўскае. Паводле яго слоў, атрыманая задача працягваць "глыбокае і аб'ектыўнае вывучэнне гісторыі з улікам нацыянальна-дзяржаўных інтарэсаў".

"Мы не маем права прымяншаць свае дасягненні і заслугі ў мінулым, аддаючы іх іншым, — цытуе словы Лакізы sb.by. — Кожным гістарычным перыядам мы маем права ганарыцца. Гэта лейтматыў новых праектаў па падрыхтоўцы шматтомнай "Гісторыі Беларусі" і нарысаў па гісторыі беларускай дзяржаўнасці, разлічаных на шырокае кола чытачоў. Зыходзячы з гэтага вядзецца навукова-даследчы пошук, значны ўпор у якім робіцца на гісторыі Полацкага і Тураўскага княстваў, Вялікага Княства Літоўскага, Рускага і Жамойцкага, аснову якога склалі беларускія землі і насельніцтва, а не сучасная Літва".

Дырэктар Інстытута гісторыі адзначыў яшчэ адну тэндэнцыю — "на новы ўзровень выходзяць даследаванні значэння Расійскай імперыі ў нашай гісторыі".