Бацькам палітзняволенай журналісткі Слаўнікавай далі спатканне з ёй
Ірына Слаўнікава / svaboda.org
Па іх словах, Ірына выглядае добра і пачуваецца бадзёра.
Бацькам палітзняволенай Ірыны Слаўнікавай далі сустрэцца з ёй пасля разгляду апеляцыі ў Вярхоўным судзе, паведамляе "Белсат".
Бацькі расказалі мужу Ірыны, што жанчына выглядае добра і пачуваецца бадзёра. Слаўнікава перакананая ў сваёй невінаватасці. Яна ўпэўненая, што яе асудзілі за журналісцкую дзейнасць.
Таксама журналістка падзякавала за падтрымку ўсім блізкім, знаёмым і калегам. Яна верыць, што хутка справядлівасць возьме верх.
Ірына Слаўнікава асуджаная на пяць гадоў за супрацу з тэлеканалам "Белсат", які ўлады Беларусі прызналі "экстрэмісцкім".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.