Баевікі захапілі ў Краматорску 6 украінскіх БТРаў (відэа)
Сёння раніцай у гэты ўкраінскі горад у Данецкай вобласці ўвайшла бронетэхніка — ўкраінскія сілавікі збіраюцца праводзіць антытэрарыстычную аперацыю.
Як паведамляе сайт ostro.org, адну з калон бронетэхнікі спачатку заблакавалі маршруткамі, БТРы акружылі людзі з георгіеўскімі стужкамі. Пасля ім на дапамогу прыйшлі ўзброеныя байцы ў камуфляжы (так званыя "зялёныя чалавечкі"). У выніку, яны раззброілі БТРы і адагналі іх у бок вёскі Іванаўка.
Калона БТР пад расійскім сцягам і з байцамі ў камуфляжы праехала па горадзе. З'явіліся фотаздымкі і відэа.
Расійскія СМІ сцвярджаюць, што экіпажы 6 БТР перайшлі на бок "апалчэнцаў".
Фота — Reuters
