Бандурына: асабістая адказнасць кожнага за свой выбар, свае памылкі — мая ідэя

25/02/2021 - 08:44

25 лютага ў эфіры Еўрарадыё — паэтка Крысціна Бандурына.

Такое адчуванне, што мы знаходзімся ў стане падлетка, які ўсё жыццё правёў у інтэрнаце з дрэнным дырэктарам. Але падлетак нарэшце вырас і зразумеў, што больш у гэтым інтэрнаце ён знаходзіцца не хоча. Толькі дырэктар, які дзяцей не лічыць за асоб, не хоча з гэтым мірыцца. І гэты наш сённяшні шлях вельмі натуральны — даказаць, што падлетак чагосьці варты, перакананая Крысціна Бандурына.

Пра тое, ці атрымаецца ў беларусаў даказаць сваю вартасць і здольнасць далей ісці сваёй дарогай без нагляду абрыдлага “дырэктара”, як нам не сапсавацца на гэтай дарозе сталення і чаму так важна браць адказнасць за кожны свой крок, кожны свой выбар і кожную сваю памылку, мы і разважаем у праграме “Ідэя Х” з Крысцінай Бандурынай.

Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у панядзелак і чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут: