Баўмгертнера могуць перадаць Расіі пасля кампенсацыі нанесенай шкоды

Лукашэнка лічыць магчымай перадачу расійскаму боку гендырэктара ААТ "Уралкалій" Уладзіслава Баўмгертнера пасля кампенсацыі нанесенай беларускаму боку шкоды, паведамляе "Інтэрфакс".

"Я не крыважэрны, я не да таго, што мы павінны іх пасадзіць і гэтак далей. Пакуль мы не набралі больш шкоды, няхай нам кампенсуюць гэта", — заявіў Лукашэнка ў панядзелак, падчас сустрэчы з кіраўнікамі сродкаў масавай інфармацыі краін СНД.

Уладзіслаў Баўмгертнер абвінавачваецца ў прычыненні матэрыяльнай шкоды Беларусі, а таксама нанясенні шкоды яе дзяржаўным інтарэсам. Папярэдне памер гэтай шкоды ацэньваецца ў суму 100 мільёнаў долараў.

Раней агучвалася магчымасць перадачы Баўмгертнера Расіі пасля ўзбуджэння там крымінальнай справы ў дачыненні да яго. Аднак калі справа была распачатая, Баўмгертнера расійскаму боку так і не перадалі. Зараз ён знаходзіцца ў Мінску, дзе адбывае хатні арышт на здымнай кватэры.

Фота: rferl.org