Беларус на судзе заявіў, што лічыў марш 2020-га падтрымкай Лукашэнкі
Марш у Гродне / t.me/viasna96
Два гады "хіміі" прысудзілі гродзенскаму слесару Мікіту Машуту за ўдзел у пратэстах, паведамляе праваабарончы цэнтр "Вясна". Прысуд вынеслі 5 снежня ў судзе Кастрычніцкага раёна Гродна.
Да суд гродзенца трымалі пад вартай.
На судзе мужчына сваю віну не прызнаў. Ён заявіў, быццам думаў, што шэсце, у якім ён удзельнічаў, адбываецца ў падтрымку Лукашэнкі. Пры гэтым ён меў пры сабе бел-чырвона-белы сцяг.
Суд не паверыў слесару.
З матэрыялаў справы вядома, што фотаздымак Мікіты з нацыянальным сцягам на праезнай частцы знайшлі ў адным з тэлеграм-каналаў.
