Беларусь размясціла еўрааблігацыі на 600 мільёнаў долараў
Беларусь размясціла 12-гадовыя еўрааблігацыі на 600 мільёнаў долараў пад стаўку 6,2% гадавых. У Мінфіне нашай краіне кажуць, што каментары з’явяцца пасля завяршэння здзелкі і разлікаў.
Пра тое, што Беларусь у першым паўгоддзі 2018-га плануе размясціць еўрааблігацыі, міністр фінансаў Уладзімір Амарын паведаміў у пачатку лютага. У 2017 годзе былі размешчаныя еўрабонды на 1,4 млрд долараў двума траншамі. Меркавалася, што атрыманыя грошы пойдуць на абслугоўванне валютнага дзяржаўнага доўга.
