Беларускія біятланісты паставілі рэкорд стральбы ў змяшаных эстафетах
Зборная Беларусі па біятлоне ўсталявала рэкорд дакладнасці стральбы ў змяшаных эстафетах на чэмпіянатах свету. У міксце ў Халменколене квартэт у складзе Надзея Скардзіна, Ірына Крыўко, Уладзімір Чапелін і Аляксандр Дарожка выкарыстаў толькі адзін дадатковы патрон.
Дагэтуль рэкорд дакладнай стральбы ў гэтым відзе гонак належаў зборнай Францыі, якая на чэмпіянаце свету ў 2007 годзе выкарыстала два дадатковыя патроны.
Нягледзячы на дакладную стральбу, беларусы занялі ў гэтай гонцы толькі 9-е месца.
