Беларускія настаўнікі ўзялі пад апеку сына палітзняволенай гамяльчанкі
Ларыса Шчыракова з сынам Святаславам / фота з сацсетак
Некалькі настаўнікаў добраахвотна пагадзіліся дапамагчы з навучаннем 16-гадоваму Святаславу — сыну палітзняволенай гамяльчанкі Ларысы Шчыраковай. Пра гэта ў фэйсбуку напісала Святлана Кароль.
"Настаўнікі па фізіцы, хіміі і матэматыцы для сына Ларысы Шчыраковай знайшліся вельмі хутка. Дзякуй, родныя беларусы!" — паведаміла Святлана Кароль.
Ларысу Шчыракову, якая раней актыўна супрацоўнічала з незалежнымі СМІ, затрымалі на пачатку снежня. За некалькі месяцаў да таго яна ў сацыяльных сетках прасіла дапамагчы з вучобай яе сыну, калі яе арыштуюць.
