Беларускія пісьменнікі падтрымалі ўкраінскіх змагароў (заява)
Рада Саюза беларускіх пісьменнікаў прыняла заяву.
Яе тэкст змясціла "Наша ніва":
"Дарагія сябры, браты і сёстры!
У гэтыя лёсавызначальныя дні і ночы ад імя пісьменнікаў Беларусі выказваем вам сваю шчырую павагу і падтрымку.
Увесь свет сочыць сёння за падзеямі ўкраінскага Майдану. Многія беларусы плячо да пляча стаяць разам з вамі ў шыхтах супраціву, сотні тысяч падтрымліваюць вас.
Салідарызуючыся са сваімі ўкраінскімі калегамі, беларускія пісьменнікі далучаюць свой голас да вольных украінскіх гімнаў і жадаюць братэрскаму народу-суседу вытрымкі, мудрасці і мужнасці на еўрапейскім шляху!
Будзьце годнымі памяці сваіх нацыянальных герояў!
Слава Украіне!
10 снежня 2013 г.".
Заяву Рады Саюза беларускіх пісьменнікаў падпісалі 35 чалавек. Сярод іх — Рыгор Барадулін, Уладзімір Арлоў, Уладзімір Някляеў, Ніл Гілевіч, Юрый Станкевіч, Міхась Скобла, Алесь Пашкевіч, Леанід Маракоў, Сяргей Законнікаў ды іншыя.
Фота — ria.ru
