Беларусы добраахвотна здалі каля 300 адзінак нелегальнай зброі
Нелегальная зброю, канфіскаваная ў грамадзян / news.1777
Грамадзяне Беларусі за студзень-жнівень 2021 года здалі добраахвотна каля 300 адзінак нелегальнай зброі, паведамілі БЕЛТА ў МУС. Беларусы таксама самі здалі амаль 12 тысяч боепрыпасаў.
Пры гэтым МУС канфіскавала 200 адзінак незарэгістраванай зброі і 23 тысячы боепрыпасаў рознага калібру за восем месяцаў.
Як паведамляла Еўрарадыё, у Беларусі з 4 па 8 кастрычніка праводзіцца спецмерапрыемства "Арсенал" па папярэджанні і спыненні правапарушэнняў у сферы абарачэння зброі і боепрыпасаў.
Супрацоўнікі МУС будуць правяраць, у якіх умовах грамадзяне захоўваюць зарэгістраваную зброю, а таксама выяўляць уладальнікаў нелегальных арсеналаў. Праваахоўнікі нагадваюць, што добраахвотная здача нелегальнай зброі і боепрыпасаў дасць магчымасць атрымаць вызваленне ад крымінальнай і адміністрацыйнай адказнасці.
