"Белавія" будзе выконваць тэхабслугоўванне расійскіх самалётаў
"Расавіяцыя" дапусціла Беларусь да тэхабслугоўвання / Еўрарадыё
"Белавія" прайшла праверку і атрымала ад "Расавіяцыі" сертыфікат па тэхнічным абслугоўванні № 285-23-019.
— Яго наяўнасць пацвярджае адпаведнасць дзейнасці авіякампаніі патрабаванням федэральных авіяцыйных правілаў (ФАП-285), што прад'яўляюцца да арганізацый па тэхнічным абслугоўванні ў Расійскай Федэрацыі.
Сертыфікат дае "Белавія" права выконваць дазволены пералік работ у аператыўным і перыядычным тэхнічным абслугоўванні паветраных суднаў, зарэгістраваных у Расійскай Федэрацыі, а таксама ў тэхнічным абслугоўванні асобных катэгорый кампанентаў, якія ўстанаўліваюцца на гэтыя самалёты, — піша прэс-служба "Белавіі".
Беларуская авіякампанія сцвярджае, што ў яе шырокія магчымасці ў частцы тэхнічнага абслугоўвання — ёсць свая авіяцыйна-тэхнічная база.
— За гады існавання авіякампаніі мы змаглі сабраць прафесіяналаў высокага ўзроўню, якія праводзяць тэхнічнае абслугоўванне рознага ўзроўню складанасці: ад аператыўных работ да A-сһеск, C-сһеск і D-сһеск, — адзначае гендырэктар "Белавіі" Ігар Чаргінец.
