Дэпутатка Алена Анісім прапануе ўвесці мараторый на смяротнае пакаранне

Дэпутатка Алена Анісім прапануе ўвесці мараторый на смяротнае пакаранне

Дэпутатка Палаты прадстаўнікоў Алена Анісім апублікавала праект закона аб прыпыненні смяротнага пакарання. Яна распавяла Еўрарадыё, што пакуль праект закона был дасланы для азнаямлення ў Міністэрства юстыцыі і МУС:

Дэпутатка Алена Анісім прапануе ўвесці мараторый на смяротнае пакаранне

“Працэдура такая: я накіравала ў гэтыя міністэрствы для азнаямлення і ацэнкі дадзены законапраект. Пасля таго як яны мне адкажуць, я раюся са сваім памочнікам-юрыстам і падаю праект закона ў Палату прадстаўнікоў для разгляду. Магчыма, што ў адказе міністэрстваў могуць прагучаць станоўчыя ацэнкі ці нейкія канцэптуальныя заўвагі, а можа, будзе проста адказ “мы прынялі да ведама”.

Праект закона невялічкі. Па сутнасці, там усяго два артыкулы. Па-першае, увесці мараторый на смяротнае пакаранне. Па-другое, асуджаных на смяротнае пакаранне перавесці ў папраўчыя калоніі для іх утрымання на ўмовах пажыццёвага зняволення.

Дэпутатка Алена Анісім прапануе ўвесці мараторый на смяротнае пакаранне

Старшыня Беларускага Хельсінкскага Камітэта Алег Гулак лічыць, што ініцыятыва добрая і важная, здольная прыцягнуць увагу да праблемы смяротнага пакарання, але надзеі, што закон прымуць, мала:

“На маю думку, спадзяванне, што гэтую ініцыятыву падтрымаюць і закон прымуць, вельмі невялікае. Але я буду вельмі рады памыліцца. Тым больш што дагэтуль дэпутаты дакладна такой прапановы і закона не падавалі. Ад праваабаронцаў такія ініцыятывы ішлі, у розных формах, але прапановы праваабаронцаў не з’яўляюцца актам праватворчай ініцыятывы, гэта былі прапановы да дэпутатаў. Мы да парламента і адміністрацыі звярталіся не раз.

Таксама важны момант, што ў Палаце прадстаўнікоў ёсць парламентская рабочая група па пытаннях смяротнага пакарання, і цікава, ці будуць яны ўцягнуты ў гэты працэс. Увогуле цікавае стаўленне гэтай групы да гэтага праекта закона”.

У 2019 годзе пакуль быў здзейснены толькі адзін смяротны прысуд — у дачыненні да Аляксандра Жыльнікава. Расстрэл адбыўся напярэдадні Еўрапейскіх гульняў, нягледзячы на тое, што заходнія краіны неаднаразова заклікалі Беларусь адмовіцца ад смяротнага пакарання. Пры гэтым у Камітэце ААН па правах чалавека на разглядзе застаўся індывідуальны зварот Аляксандра Жыльнікава. Прысуд прывялі ў выкананне не чакаючы рашэння Камітэта ААН.

Апошнія навіны

Галоўнае

Выбар рэдакцыі