Для падрыхтоўкі да параду ў Мінску абмяжуюць рух па праспекце Машэрава

Для падрыхтоўкі да параду ў гонар Дня незалежнасці ў Мінску абмяжуюць рух па праспекце Машэрава. Рэпетыцыі прызначылі на 5, 8, 12, 15, 19 і 22 чэрвеня, яны пройдуць з 22.00 да поўначы. Як інфармуе тэлеканал АНТ, у названы прамежак часу на ўчастку праспекта Машэрава ад вуліцы Даўмана да праспекта Пераможцаў абмяжуюць рух транспарту, у тым ліку гарадскога грамадскага. УДАІ ГУУС Мінгарвыканкама просіць кіроўцаў улічваць гэтую інфармацыю пры планаванні маршрутаў сваіх паездак.