Фотафакт: ДАІ едзе па горадзе з хуткасцю 120 км у гадзіну
Нечаканы факт зафіксаваў карэспандэнт сайта onliner.by, калі рабіў матэрыял аб працы ДАІ ў Мінску. У артыкуле распавядаецца пра тое, як даішнікі ловяць парушальнікаў хуткаснага рэжыму.
Аднак каментатары артыкула заўважылі, што на фатаздымку зафіксаваны спідометр аўтамабіля ДАІ з паказчыкам 120 км/гадз. З такой хуткасцю аўтамабіль праваахоўнікаў рухаецца па горадзе. Пры гэтым паведамляецца, што машына парушальніка ехала з хуткасцю 87 км/гадз.
