Гандлёвая інспекцыя закрыла чарговыя крамы ў Мінску і Гродне
На гэты раз прыпынена праца крамаў дзіцячых цацак.
Гандлёвая інспекцыя закрыла новыя крамы. Загад аб прыпыненні працы атрымалі крамы дзіцячых цацак у Гродне і Мінску. Прычына — недастатковы асартымент беларускіх тавараў і неабгрунтавана ўзняты кошт. У адной з іх гандлёвая надбаўка на дзіцячыя цацкі даходзіла да 180%.
Як адзначае тэлеканал "Беларусь 1", кантралёры называюць гэтыя выпадкі адзінкавымі. У цэлым сітуацыя на спажывецкім рынку Беларусі застаецца стабільнай. Дарэчы, учора раней закрытыя 10 крамаў аднавілі працу пасля ліквідацыі парушэнняў. Гэта прадуктовыя супермаркеты і буйныя крамы бытавой тэхнікі.
Фота — Fotolia
