Інспектара ДАІ Мінска асудзілі за злоўжыванні, бяздзейнасць і хабар

У судзе Парытзанскага раёна Мінска адбыўся суд над 34-гадовым інспектарам ДАІ Цімафей. Яго прызналі вінаватым у злоўжыванні, бяздзейнасці і хабары. Як піша tut.by, мужчыну прысудзілі да пяці гадоў калоніі ўзмоцненага рэжыму з канфіскацыяй маёмасці. Таксама ён аштрафаваны на 7777,5 рубля (305 базавых велічыняў) і пазбаўленны спецзвання "капітан міліцыі". Прысуд не набыў законную моц і можа быць абскарджаны. 

Пракурор у судзе паведаміла, што даішнік з кастрычніка 2017 года да красавік 2018-га неаднаразова парушаў закон на працоўным месцы. Следства выявіла 17 эпізодаў злачынстваў, два з якіх — хабар. Ён прыўлашчыў 245 рублёў 50 капеек, з якіх 35 рублёў — хабар, якія перадалі яму кіроўцы — парушальнікі ПДР. Інспектар кампенсаваў гэтыя сумы яшчэ да абвяшчэння прысуду.

Як выявіла ўласная служба бяспекі МУС, часцей за ўсё інспектар дзейнічаў па такой схеме: спыняў кіроўцаў, якія парушылі ПДР, агучваў ім парушэнне, а прыцягваў да адказнасці па іншым артыкуле КаАП. Часам у пастанову ён запісваў не тое месца, дзе было выяўленае парушэнне, а зусім іншае.

Па некаторых парушэннях кіроўцам пагражала папярэджанне або штраф, які ў той час парушальнік мог аплачваць на месцы. У гэтых выпадках бывала, што інспектар выпісваў парушальніку папярэджанне, але спаганяў штраф. Пры гэтым мужчына не запаўняў квітанцыю, а грошы браў сабе. Часам інспектар афіцыйна афармляў частку штрафу, а астатнюю пакідаў сабе. Сумы былі пераважна не больш за адну базавую велічыню, якая складала тады 23 і 24,5 рубля.

Два разы Цімафей узяў з кіроўцаў 10 і 25 рублёў, але ніякіх дакументаў пры гэтым не аформіў. Менавіта гэтыя эпізоды следства палічыла хабарам.

На пасяджэнні паказаныя відэазапісы, на якіх бачна, як інспектар ДАІ праводзіў разгляд з парушальнікамі і прымаў ад іх грошы.

"Я не адмаўляю сваю віну — не меў законных падстаў браць сабе грошы. Вельмі раскайваюся. Лічу сябе закладнікам сітуацыі, таму і давялося пайсці на такія дзеянні", — патлумачыў абвінавачваны свае дзеянні.

На судзе інспектар дадаў, што яму давялося займацца рамонтам службовага аўто за свой кошт. Каб кампенсаваць асабістыя выдаткі на рамонт аўто, Цімафей і вырашыў браць грошы з кіроўцаў-парушальнікаў.

Частку іншых пратаколаў ён патлумачыў неабходнасцю выконваць планы па парушальніках.