Карціну Мунка прадалі за 54,5 млн долараў (фота)

Карціну нарвежскага мастака Эдварда Мунка "Дзяўчыны на мосце" прадалі на аўкцыёне Sotheby's за 54,5 мільёна долараў. Для яе гэта рэкордная лічба. 20 гадоў таму карціну прадалі за $7,7 млн, у 2008-м — за 30,8 млн долараў. На апошнім аўкцыёне першапачатковы кошт складаў $43 млн, інфармуе РІА "Новости".

Карціна "Дзяўчыны на мосце" была створана мастаком у 1902 годзе. На ёй можна пабачыць групу дзяўчат, якія стаяць у цэнтры моста ў гарадку Асгарстран, які так любіў Мунк.

Рэкордная сума была заплачана чатыры гады таму за іншую карціну майстра экспрэсіянізму — "Крык" — амаль 120 мільёнаў долараў.