Кіраўнік Мінска назваў сваім галоўным дасягненнем рэформу ЖКГ
Старшыня Мінгарвыканкама Андрэй Шорац назваў сваім галоўным дасягненнем рэформу жыллёва-камунальнай гаспадаркі. Ён займае гэтую пасаду 2 гады. У інтэрв'ю тэлеканалу СТБ Шорац прызнаўся, што менавіта дзеля правядзення згаданай рэформы яго і накіраваў у сталіцу кіраўнік дзяржавы.
Паводле слоў Андрэя Шорца, за гэты час удалося дасягнуць "пэўных поспехаў" і галоўнае — значна скарочаныя затраты ў галіне. У Мінску была створаная жыццяздольная новая структура жыллёва-камунальнай гаспадаркі. А тыя недахопы, якія яшчэ засталіся, ліквідуюць у 2017 годзе, адзначыў старшыня Мінгарвыканкама. Больш падрабязна гл. на відэа.
