Курс долара ў Беларусі вырас, курс еўра знізіўся
У аўторак, 30 студзеня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША вырас — з 1,9808 да 1,9839 беларускага рубля, курс еўра знізіўся — з 2,4573 да 2,4514 рубля. За 100 расійскіх рублёў сёння даюць 3,5251 беларускага (у панядзелак — 3,5207).
Беларускі рубель аслабеў да кошыка валют на 0,07%.
Як інфармавала Еўрарадыё, у панядзелак, 29 студзеня, курс долара вырас — з 1,9722 да 1,9808 беларускага, курс еўра не змяніўся і складаў 2,4573 рубля.
