Латушка: веру ў Беларусь, у беларускі народ і яго будучыню — з такой ідэяй жыву

3 снежня ў эфіры Еўрарадыё — экс-дыпламат і экс-міністр культуры, былы кіраўнік тэатра імя Янкі Купалы, сябра прэзідыума Каардынацыйнай рады, кіраўнік Народнага антыкрызіснага кіравання Павел Латушка.

Імкнучыся ў светлую будучыню, нельга адрывацца ад сваіх каранёў. Бо якой бы ні была наша нацыянальная ідэя, якім бы ні быў шлях беларускай нацыі наперад, мы абавязкова мусім узяць з сабой у гэтую дарогу гісторыю нашай краіны, нашу культуру, мову, традыцыі. І нашы нацыянальныя сімвалы — бел-чырвона-белы сцяг і Пагоню. Бо ўсё гэта — частка наша генетычнага кода, без якога беларусы не змогуць існаваць як нацыя ў той светлай будучыні, перакананы Павел Латушка. 

Пра тое, як захаваць непашкоджаным свой “генетычны код”, чаму сфармуляваць нацыянальную ідэю не можа нейкі адзін чалавек і ці можа паралельна быць некалькі нацыянальных ідэй, мы і разважаем у чарговым выпуску "Ідэі Х" з Паўлам Латушкам. 

Набыць кнігу "Беларуская нацыянальная ідэя" можна тут

Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у панядзелак і чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут:

Нацыянальная ідэя

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.