Лідара прадпрымальнікаў Шумчанку асудзілі на 5 сутак
Анатоля Шумчанку асудзілі сёння ў Мінску.
Пра гэта паведамляе Радыё "Свабода" са спасылкай на Вольгу — жонку лідара "Перспектывы".
Анатоля Шумчанку судзілі ў Цэнтральным судзе, абвінаваціўшы ў арганізацыі несанкцыяванага мерапрыемства. Яго мусілі накіраваць у турму на Акрэсціна.
Нагадаем, што лідара прадпрымальнікаў затрымалі ў гандлёвым цэнтры "Паркінг" разам з трыма журналістамі. Журналістаў адпусцілі праз дзве гадзіны, высветліўшы іх асобы.
27 чэрвеня па ўсёй краіне праходзіць страйк прадпрымальнікаў. Паводле некаторых ацэнак, у ім прымае ўдзел 70% дробных прадпрымальнікаў.
Фота — svaboda.org
