Літва прыпыніла ўвоз прадуктаў з Беларусі праз афрыканскую чуму свінняў
Пад часовую забарону трапілі прадукты жывёльнага паходжання і кармы.
Такое рашэнне прыняла Дзяржаўная ветхарчслужба Літвы, перадае interfax.by.
Нагадаем, што паводле афіцыйных звестак, узбуджальнік АЧС выяўлены ў Іўеўскім раёне Гродзеншчыны. Таму вобласць пакуль закрытая для рэалізацыі свініны і прадуктаў з яе.
Звесткі пра масавае знішчэнне жывёлы таксама прыходзяць з іншых раёнаў — Валожынскі і Стаўбцоўскі на Міншчыне, Віцебскі.
На мінулым тыдні Рассельгаснагляд забараніў пастаўкі ў Расію свінога мяса з Гродзеншчыны. Украіна ўвяла поўную забарону на ўвоз з Беларусі свінняў, прадукцыі і сыравіны з іх.
Фота — ria.ru
