Лукашэнка і Назарбаеў гаварылі пра перамовы ў "нармандскім фармаце"
У аўторак адбылася тэлефонная размова кіраўнікоў Беларусі і Казахстана.
10 лютага адбылася тэлефонная размова Аляксандра Лукашэнкі і Нурсултана Назарбаева. Як інфармуе БЕЛТА, яны абмяркоўвалі пытанні эканомікі і фінансаў, крызісныя з'явы ў Еўрасаюзе. Асобная гаворка ішла пра сустрэчу ў "нармандскім фармаце", якая 11 лютага пройдзе ў Мінску. У ёй мусяць узяць удзел канцлер Нямеччыны Ангела Меркель, прэзідэнт Францыі Франсуа Аланд, прэзідэнт Украіны Пётр Парашэнка і расійскі прэзідэнт Уладзімір Пуцін.
Чаму перамовы 11 лютага ў Мінску называюць "Нармандскім фарматам"
Прэс-служба прэзідэнта Казахстана інфармуе, што Лукашэнка і Назарбаеў гаварылі пра двухбаковае супрацоўніцтва, пра перспектывы ўзаемадзеяння ў Еўразійскім эканамічным саюзе. Яны "звярнулі ўвагу на існуючыя праблемы ў эканоміках дзяржаваў-чальцоў ЕАЭС, якія патрабуюць сумеснага рашэння". Кіраўнікі Беларусі і Казахстана абмяняліся меркаваннямі пра сітуацыю ва Украіне.
Нурсултан Назарбаеў "выказаў упэўненасць, што перамовы ў "нармандскім фармаце"... дазволяць дасягнуць кампрамісу ў пошуку шляхоў рашэння ўкраінскага крызісу".
Адзначаецца, што тэлефонная гутарка адбылася з ініцыятывы казахстанскага боку.
На перамовы па Украіне ў Мінску акрэдытаваліся 300 замежных журналістаў
Фота: ctv.by
